法例 資料及隱私

英國全民監視法案 允許政府大規模入侵市民電子設備

#英國 國家監控系統】被批評為「刺探者憲章」嘅英國最新「調查權力法案 Investigatory Powers Bill」(簡稱 #ipbills)得到議會通過,相信年底就可以正式立法。IP bills自2012年由當日仲係內政大臣、今日做左首相嘅文翠珊提出,多年來一直被聯合國、人權組織及矽谷科技公司等持份者詬病。Open Rights Group嘅會長Jim Killock就批評,IP bills係「民主政府有史以來通過過最極端嘅監視法」!
42878_1_other_wallpapers_big_brother_is_watching_you

網絡圖片

呢個法案授權政府機關入侵市民電子設備(例如家中的Baby Monitor)、網絡和服務,亦授權大規模入侵行動;不過工作性質比較特殊嘅專業人士—如記者及醫療人員等—就可以享有一定程度嘅保障。官方更會設立一個大型英國市民個人資料嘅數據庫,包括一般並無犯罪嫌疑嘅市民都有份「被紀錄」。

法案亦要求通訊服務供應商保存用戶實時連接電子服務/網站嘅日誌,至少一年,而且允許不少政府部門查閱;亦可以迫使企業按要求解密數據,變相限制左端到端加密(end-to-end encryption)嘅作用。

不過法案都有個「雙重鎖」制度以免政府濫權,國務卿同一名獨立嘅司法專員必須同意,先會執行搜查令。
其實今年英國法庭都已經裁定,當地負責國土安全嘅政府部門(MI5、MI6及GCHQ)係缺乏充足維護同監督程序嘅情況下,非法採集市民個人資料如通訊數據、追蹤私人電話同網絡使用嘅資料長達17年。所以呢個法案只係為英國政府一直以來監視人民嘅行為正名,都唔係咩新野丫。(#曲)
 
 延伸閱讀:

Leave a Comment